गजल
-नवराज बुढा 'नवीन उदासी'

क्षितिजमा बादल सङ्गै घुमिरहन मन लाग्छ।
तिम्रो मीठो बोली सधै सुनिरहन मन लाग्छ।

कतै छोडी जान्छन भनी यादहरु दिल बाट, 
हावाझै उड्ने याद मन्मै थुनिरहन मन लाग्छ।

दुनियाँले नजर लगाउला धेरै सुन्दर भए पछि,
तिमिलाई मेरि हौ भन्दै  चुनिरहन मन लाग्छ।

भत्किएर, चुडिएर जान्छकी पिरतिको जाल,
युगौ सम्म प्रीतको जाल बुनिरहन मन लाग्छ।

एउटावारि अर्को पारी फुलेका फूलहरु टिपेर,
स्वयम्बरभै लाउने माला उनिरहन मन लाग्छ।

२०१६ अगस्त ३१