लोकदोहोरी गीत
थेगो केटा : दिन्छौ भने त्यो तिम्रो हात ससमाउछु
जान्छ्यौ भने ए कान्छी,
दाङ्ग हुँदै तिमिलाई रोल्पा घुमाउछु।
केटी थेगो : दिन्न हात घुम्न जादैन।
अचेलका अल्लारेको भर,
यो मनले लालाउदैन।
गीत
केटा : मस्किन्छ्यौ दुइदिनको जवानी देखेर।
जलजला जाउला घोराही बस चढेर।
केटी : कुरा गर्यौ पिरतिको छौकी मायाको भोको ?
गङ्गाझै राखेकोछु यो मनलाई चोखो।
केटा : स्वर्गद्वारी गएर गरौला दुबैले कल्याण।
तुल्सिपुर हुँदै पुगौला कपुरकोट सल्यान।
केटी : माकुरिले झै पार्छौकी जालमा फसाई।
चुलबुलेको भर हुन्न राख्छौ उतै समाई।
केटा : तरेर जाउला रमाउन चपिघाट मेलामा।
यस्तै भन्छन सबैले बैशको बेलामा।
केटी : नजिकै छ भन्छौ घर रोल्पाको होलेरी देखि।
केके गर्यौ मनै चोर्यौ पहिलो भेटमै भेटी।
केटा : बुहारी चाहियो भन्दै छन आमाले।
मन चोरेको होइन तिम्रो बहानाले।
© नवराज बुढा "नवीन उदासी"
रचना मिति : २०७३/०६/२०