कहिले सम्म पराई देशमा हुन्छौं

गजल
-नवराज बुढा 'नवीन उदासी'
कहिले सम्म पराई देशमा हुन्छौं नेपाली हामी।
उठौ अब सबै संघर्षको पाइलाहरु चाली हामी।
केही गरेर देखाउनु छ यो हाम्रो देशमा युवाले,
मिलिजुली एक भै जुटौ अब यसपालि हामी।
भन्न साथ प्रगती कहाँ पो हुन्छ गर्नुपर्छ पहिले,
स्वरोगारी बनौ अल्झिपनको जागर फाली हामी।
गरेपछी नहुने केही छैन हिरा फुल्छ यै माटोमा,
बहकिने मन बसालौ स्वदेसमा सम्हाली हामि।
पराई देशमा पसिनाको मुल्य हुँदैन कहिल्यै पनि,
फर्कौ अब नबसौ पसिनाको धारा खसाली अब।
२०१६ सेप्टेम्बर ०२

0 comments

Write Down Your Responses

तपाइको अमुल्य सल्लाह , सुझाब र प्रतिक्रिया दिन नभुल्नुहोस् । Please, drop Your Valuable Comment Here ..Or Direct Send us Email : nbnabinudasi@gmail.com